Ä interessants und luschtigs Jahr gsi...

Am 16 April simmer gsi gu bowlä i dr nüä bowlinghallä, z niederurnä. 2 Bahnä hämmer reseviärt und so sind diä ca 12 lüüt guät verteilt gsi. Jedä hätt sis beschti geh und so sind chlini wettkämpf entschtandä. Gmüätlich hämmers ka und so isch dr abet verbi gangä.

D open end party isch ja au wiedermal ä erfolg gsi und drum händ au ihr ä hälferreis verdiänt ka. So hämmer üs am 9 Mai alli troffä. Bim SGU simmer gschtartet und richtig dütschlang gfahrä i nä Hochseilpark. Det simmer chli verwielet und jedä hät sin schwirigkeitsgrad bewältiget. Nach derä a schträngig simmer wieter is u gwüssä zogä und mitem Car uf Öschterrich gfahrä, womer Fürschtlich g ässä händ. Mitem hofnarr womer ka händ isch ds ässä ä risä schpass gsi. Jedä hät sini rollä ka, vum Bischof bis zur Wirtin. Trinkschpieli i derä art, das hani nu niä erläbt und so isches au schpat gsi, bismer wieder dihei gsi sind.

Ds cheferfescht das isch derna a dr reiä gsi, harzig isch dr fritig über d bühni gangä, mit leider nüd soviel lüüt wemmer gern ka hettet. Dr samschtig isch dä besser glofä und ds trio wildbach hät kämpft bis lang i morgä. D hallä hämmer früä derfä ufrummä, was schüner gsi wer mä hett chli lenger derfä wiirtä.Schpat odr beziäigswies frü isches glich wordä, bismer alles ufgrummt ka händ und derna is bett kit isch. NUMAL MERCI FÜR DR IISATZ!

Au g hürätä isch wordä. Im mai händ sich d Priska und dr ruädi i dr chilchä z mullis dds jawort geh und knapp 20 lüüt vu üs händ sich dervor besammlet und si mit gschmüggtä rächä und gablä us dr chilchä empfangä. Au ä gschänggchorb häts geh, aber das natürlich erscht bim obligatorischä apero, wo bim schuälhuus gsi isch.

Am 13 juni simmer gu go kart fahrä uf montlingä. Am Afang isch alles guät gangä und jedä hett sini rundänä trät. Mit 2 Gruppä simmer gfahrä und gschwitzt hämmer! Leider hämmer nuch ä ufall ka und drum hämmer das ganz underbrochä und händ uf dr bricht vum dokter gwartet. Schwein ka häts gheissä und mit büäzä isches gmacht gsi und so simmer dä uf dr heiwäg.

Riverraftä isch ä gseit gsi und drum simmer am 18 Juli uf Öschterrich gfahrä womer üs i fluss gschtürtzt händ. Às gaudi hämmr ka und sind wager nass wordä, aber immerhin isch d nessi vu obä usbliebä, nüd we au schu. Fein gu ässä häts derna g heissä und so hät wieder fleisch und herdöpfel geh und mitem schnaps hämmer am schluss abgschlossä, nachdem dasmer d fotänä gse händ.

À schträngs wuchänänd isch miterä wanderig verbundä und so ischmer id Claridähüttä

Ännädä, das heisst chilbi und diä isch am 3.4/5 septämber gsi. Ds wätter isch genial gsi und d schtimmig au. Ziegerbrütli sind weg und kaffnet händs au. Schpat isch we immer wordä und äs erläbnis wird’s au blibä. Às vortach häts gi, a üserem schünä Landjugendhüsli,das hät am

fritig abet viel vorbereitig gi ka, aber klappet häts guät und so chämer guät abschlüssä und üs uf nä gfreuts nächschts jahr i schtellä.

Am 16 oktober isch das 2 hochset gsi i üserem verein und so händ sich ds bettina und dr thomas ds jawort geh. Ds näfels i dr Pfarrchilchä isch das glücklich paar traut wordä und derna au vu dä landjügäler i empfang gnu wordä. Nachem schpalliär schtuh sind dia knapp 10 lüüt vu üs mitem paar wieter is äschä gu apero ni und det hätmernä üserä gschänkchorb au übergeh.

Am nächschtä Tag hämmer schuwidr äs träffä ka und so simmer gu Paintball schpielä uf schänis. Viel farb isch brucht wordä und somit au a dä chleider vu denä 10 friwilligä gsi. Super isches gsi, aber sehr a schträngend.

Glarnermäss isch a gseit, odr besser gseit Open End party! D hallä isch wiedermal voll gsi und d schtimmig bombastisch. Judokas und d linthdancers händ dr afang gmacht und d schtimig derna ufgheitzt hätt d band CNP, wo üss dr ganz abet begleitet hät. Vormitternachtsshow vum TV Biltä isch au super gsi we au mir mit dr mitternachtsshow händ üserä teil derrzuä bitreit. Party isch nuch wieter gangä, au nach Mitternacht und so isch au das Fäscht verbi…

Dr Chlaus, der hätt üs au ds ganz Jahr beobachtet und üs am 3 Dezämber dä d livitä gläsä. Viel häter gwüsst und ä so häter dä gwüssä lüüt sini zuäkünftigä ämtli verteilt und gseit wasmer nüd sett odr chent änderä.

Schiiweekend z Saas Fee isch genial gsi. 21 lüüt sind mit 2 büsli richtig wallis gfahrä und det hämmer derna üseri zimmer bezogä und üs schliässlich bim gmeinsamä znacht wieder troffä. Fein gässä hämmer und dä ischmer i usgang, wo sich dä all chli verteilt händ. Am zmorgä simmer dä wieder all zämä ghogget und churz druf abä ischmer uf d schii. Dr znacht isch dä geteilterwies gsi und so ischmer au i ussgang. Am sunntig ischmer wieder bim zmorgä zämmä gsi, wo ja nüd all verlitä händ… Am abet ischmer froh gsi womer dihei gsi isch, aber super isches gsi.

Au z Elm simmer mal gsi und zwar am 4 Februar womer ds Helferässä ka händ vu dr Chilbi ànnäda. Gmüätliches Pizzaässä und gschprächlä isch a gseit gsi.

Schneemangel hät üs dr Schlittelabet nüd vermiest und so ischmer eifach ines Fondueund das chamer au nur z 7ä gnüssä. D Seilbahn isch dä derna eifach wieder mit allä derabä, schtatt mit dä schlittä.

Zämmägfasst wetti meini isches ä interessants und luschtigs Jahr gsi und ich hoffä au sehr dases so wietergat.

Das hofft ücherä Andreas Krieg