Hehe

Miär düänd um etz ä Schnitzelbank dichtä
är weiss dä z'Bärä obä au eh nämis zbrichtä

Bisch ä du nüd hergotts ä Schlauä
duäsch all Tag ächi Biär brauä

All Tag duäsch ä Sud übr
imä altä Bläch Züber

Biär brauä isch zimli difficil
der Maa verstad vo dem zimli viel

10'000 Fläschli chönnids idr Stund abfüllä
und wän einä muäss all aluägä fadr am Abäd au afä trüllä

Under Tagä duäd är z'Bärä obä politisiärä
und am Abig duädr luägä dass d'Lüüt dönd Biär konsumiärä

Biär brauä isch sis Hobby
z'Bärä obä ischr ja nur ä Globi

z'Bärä obä duäd är vorum Bundeshuus umä laufä
und a allnä Parlamentarier ä halbä Liter Biär verchaufä

Idr Privatwirtschaft kännt är sich us
är schänkt a allnä ächi Biär us

z'Bärä obä duäd är ä Initiativä ireichä
äs sött a jedum all Tag ä Liter Biär preichä

Bim Biär brauä chanum äkäinä z'Wasser reichä
120 Liter sötts a jeder Person sicher preichä

Wiiblächi Hormon heds im Biär innä
fand ächt drum di eintä mängisch afä spinnä?